Askatasunaren bidean, euskal preso politikoak etxera lelopean, hainbat lagunek hartu dute parte Donostiatik zein Hernanitik abiatu diren bi giza kateetan. Biak ala biak Martuteneko espetxe atarian elkartu dira.
Amaia Izko euskal presoen abokatuak eta Sortuko eledunak adierazi du iragan igandeko emaitzek argi eta garbi erakutsi dutela Espainiarekin "hautsi" egin behar dela: "Ez dute demokraziarako, bakerako, herri bezala dagozkigun eskubideak aitortzeko aukerarik utzi. Independentzia da bidea; gakoa Euskal Herrian dago".
Bide horretan, preso eta iheslari guztien etxeratzea bilatuko du Sortuk. Eta lehen urrats gisa, haien euskal herriratzea.
