Politika

Herri plataformek diote 80 hautetsik utzi dutela kargua, eta gehiago etorriko direla

Udal hauteskundeak egin zirenetik urte eta erdi pasa denean, "herritarren nahia errespetatzea borondate kontua dela argi geratu" da herri plataformetako kideen iritzian. Azpimarratu dutenez, denbora horretan 80 hautetsi baino gehiagok ez dute beraien kargua hartu, edo hartu eta gero utzi egin dute, beraiek zuten eserlekua ez zegokiela iritzita. Gainera, iragarri dutenez, datozen asteetan dimisio gehiago etorriko dira.

2005eko urtarrilaren 12a

13:45

Entzun 00:00:00 00:00:00

Bilboko Herria Aurrera plataformako Arantxa Urkaregik eta Donostiako Baga Bogako Iñigo Baldak prentsaurrekoa eman dute gaur Donostian, eta han gogorarazi dutenez, badira moduak "herritarren borondatearen araberako udalak osatzeako". Borondatea behar dela azpimarratu dute, legalki, "Hauteskunde Legearen 182.2 artikuluak horretarako aukera ematen duelako".

Beraz, "bereziki" EAJko, EAko eta EB-Berdeetako hautetsiei dei egin die, "urratsak" emateko. "Aderdi horiek Alderdien Legearen aurka daudela esaten dute, baina lege horretaz baliatzen jarraitzen dute".

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak