Hezkuntza ez, gastu militarra mozteko eskaria

Azken zazpi urteetan Hego Euskal Herrian hezkuntza publikorako aurrekontua 262 milioi euro murriztu dela salatzeko, protesta egin zuten atzo Steilas sindikatuak eta Kakitzat talde antimilitaristak: ikasgela berezi bat antzeztu zuten Bilboko Gobernu Militarraren aurrean. Hala, gogora ekarri zuten gobernuek gastu militarra handitu dutela, eta hortik mozteko eskatu zieten administrazioei.