82 urteko txirrindulari bat larri zauritu zen larunbatean Zornotzan (Bizkaia). Gizona errepidean aurkitu zuten 09:45 aldera, eta Gurutzetako ospitalera eraman; arratsaldean hil zen.
Ertzaintzak ikerketa abiatu du argitzeko zer gertatu zen: gizona erori egin ote zen ala norbaitek harrapatu zuen.
Hildakoa Jose Inazio Askasibar txirrindulari profesional ohia zen, elgetarra sortzez; 1965ean Fagor klubean hasi zen, eta, gero, Mobylette GAC, La Casera eta Oporton aritu. 1971 arte jardun zen profesionaletan.
