Martxoaren 1ean auto istripu bat izan zen Valtierrako bidegurutze batean (Nafarroa), eta han bi lagun zauritu ziren, haien autoa bidetik aterata. Gaur, haietako bat hil egin da, Iruñeko erietxean bi aste eman ondoren.
Zendutakoa Tuterako 28 urteko emakume bat da. Harekin 20 urteko gizonezko bat zihoan; hura ere zauritu zen, eta Tuterako ospitalera eraman zuten. Istripuaren berri izan bezain pronto, Tuterako suhiltzaileak, foruzainak eta bi anbulantzia bertaratu ziren, zaurituei arta ematera.
