Errepide ezbehar handia gertatu da A-625 errepidean, 14:50ean, Amurrio (Araba) parean, Orduñatik gertu: auto batek eta kamioi batek elkar jo dute oraindik argitzeke dauden arrazoiak tarteko, eta hiru lagun hil dira talkaren ondorioz.
Hil diren hiru lagunak auto berean zihoazen -Bilboko matrikula-. Bi gizonezkoak dira, bestea emakumezkoa; hirurak oso gazteak -Ertzaintzak ez du bestelako xehetasunik eman oraindik-.
Auto bereko beste bat zauritu egin da, eta Gurutzetako (Barakaldo, Bizkaia) erietxera eraman dute. Kamioiko gidaria ere zauritu egin da eta Galdakaoko (Bizkaia) ospitalera eraman dute.
Errepidea itxi egin behar izan dute noranzko bietan.
Errepideak
Hiru lagun hil dira Amurrion kamioi batek eta auto batek elkar jota
A-625 errepidean gertatu da ezbeharra, eta itxi egin behar izan dute. Hil direnak auto berean zihoazen -bi mutil eta neska bat-, eta beste bi lagun zauritu egin dira.
Iruzkinak
Ez dago iruzkinik
Ordenatu
