Espainiako Barne Ministerioak jakinarazi duenez, hiru lagun inputatu dituzte Gipuzkoan Altxatu operazioaren baitan. "Espainiako agintarien lizentziarik gabe armamentu programetan erabiliak izan daitekeen" makineria Iranera eramatea egotzi diete hirurei, kontrabandoan ari zirelakoan.
Irailaren 30an Elgoibarko Goratu enpresa miatu eta langile ugari atxiki zituen bertan Guardia Zibilak. Bulegoak dauden eraikinetan aritu ziren, eta handik hainbat kaxa eraman zituzten. Makina-erremintako enpresa bat da Goratu.
