Trapagarango (Bizkaia) Galindo auzoko industrialde bateko lantegi batean bizi ziren 23 lagun haien bizilekutik aterarazi dituzte gaur goizean. Ertzaintzak, Trapagarango Udaltzaingoak eta Espainiako Poliziak egindako operazio batean hustu dute abandonatutako eraikina. Eusko Jaurlaritzako Segurtasun Sailak jakinarazi duenez, 18 eta 68 urte bitartekoak dira lantegian bizi zirenak. Haietako bat atxilotu dute, eta beste guztiak identifikatu dituzte. Segurtasun Sailak azaldu duenez, atxilotua identifikatu dutenean jakin dute hura atxilotzeko agindu judizial bat zegoela.
Suhiltzaileak ere izan dira bertan, eta eraikinaren barruan iristeko zaila zen leku batean zeuden hiru txakur erreskatatu dituzte.
