Nuria Lopez de Gereñu Eusko Jaurlaritzaren Garraio eta Herri Lanen sailburuak gaur jakinarazi du 2008. urtearen hasieran ekingo dietela Abiadura Handiko Trenaren (AHT) lanei Gipuzkoan, Ordizia eta Itsasondo artean. Araban hasita daude.
Ordizia eta Itsasondoko zatia ia hiru kilometrokoa izango da, eta trena %98an lur azpitik pasatuko litzateke. Lanak 32 hilabetean bukatzea espero dute, eta 60 milioi euroko aurrekontua daukate.
27 lurjabeei eragingo diete lanok, eta Lopez de Gereñuk gaur iragarri du Lurranek izeneko erakundeak bulegoa zabalduko duela Ordizian, haiei "informazio zuzena" emateko. AHT pasatuko litzatekeen herrietako udalekin ere egon nahi du Jaurlaritzak, "lankidetza" lortu nahian.
Azpiegiturak
Hurrengo urtearen hasieran ekingo diete Gipuzkoan AHTren lanei
Ordizia eta Itsasondo arteko zatian egingo dituzte lurralde horretako lehen lanak, gaur Lopez de Gereñu Jaurlaritzaren Garraio eta Herri Lanen sailburuak iragarri duenez.
Iruzkinak
Ez dago iruzkinik
Ordenatu
