Eguberrietako Loteriaren Zozketak 2.976.000 euro banatu ditu Bizkaian eta Gipuzkoan. Zozketaren Sari Nagusia eskuratu duen 42.473 zenbakiaren serie bat Donostiako 24. Administrazioan saldu dute.
Altza auzo donostiarrean dagoen 24. Administrazioak, Arizar kalearen 12. zenbakian, 42.473 zenbakiaren 2 milioi euro banatu ditu. Bulego horretan zenbaki irabazlearen serie bat saldu zen lehiatilan, hau da, hamar txartel.
Hirugarren saria 13.911 zenbakiak eraman du, eta 480.000 euro utzi ditu Bilbon. Bizkaiko hiriburuko 2. Administrazioak, Tendería 19 kalean dagoenak, zenbaki honen serie bat saldu zuen lehiatilan.
Halaber, Astarloa 3 kalean dagoen Bilboko 11. Administrazioak 200.000 euro banatu ditu, laugarren saria irabazi duen 18.963 zenbakiaren serie bat saldu ondoren.
Gainera, Getxoko 1. Administrazioak, Areetako Kale Nagusiko 8. zenbakian dagoenak, 12.956 zenbakiak lortu duen beste laugarren sari baten serie bat saldu du, 200.000 euro banatuz.
Bestalde, bosgarren sarietako bat lortu duen 30.412 zenbakiak 98.000 euro utzi ditu Bizkaian. Horrela, Bilboko La Cruz kalean dagoen 16. Administrazioan zenbaki horretako hamar txartel saldu ziren, eta erosleek 48.000 euro banatuko dute. Gainera, Sopelako Iparragirre 6 kaleko 1. Administrazioak zenbaki horretako beste serie bat saldu du, beste 48.000 euro banatuz.
Espainiako Eguberrietako Loteria
Ia 3 milioi euro utzi ditu Bizkaian eta Gipuzkoan Espainiako Eguberrietako Loteriak
Espainiako Eguberrietako Loteriaren sari ugari iritsi dira Euskal Herrira, eta guztira 3 milioi euro inguru utzi ditu. Sari Nagusiaren serie bat –hamar txartel– Donostiako Altza auzoan saldu dute, 42.473 zenbakiari dagokiona. Serie horri dagozkion hamar txartelak auzoko bizilagunen artean saldu dituztela adierazi du loteria saltzaileak. Bizkaian ere zorte handia izan da. Bilboko Alde Zaharrean saldu dute hirugarren sariari –30.412 zenbakiari– dagokion serie bat, 48.000 euro inguru. Laugarren sariari dagozkion beste bi serie ere saldu dituzte Bizkaian, bi Bilbon eta bestea Getxon.
Iruzkinak
Ez dago iruzkinik
Ordenatu
