Iaz baino %9 ikasle gehiagorekin hasi du ikasturtea Deustuak

BILBO. Deustuko Unibertsitateak atzo egin zuen ikasturteari ekiteko ekitaldi ofiziala. Atzo eman zuten datua ere: iaz baino %9 ikasle gehiago hartuko ditu aurten unibertsitateak. Datuarekin pozik agertu da Jaime Oraa errektorea. Bikaintasunera iristeko konpromisoa berretsi zuen Oraak. Ekitaldian izan ziren Patxi Lopez Eusko Jaurlaritzako lehendakaria eta Isabel Zelaa Hezkuntza sailburua, besteak beste.