Ibai Azkonari lau urteko espetxe zigorra jarri diote

MADRIL. Espainiako Auzitegi Nazionalak lau urteko espetxe zigorra eta hamabi urteko inhabilitazioa jarri dizkio Ibai Azkonari, lehergailuak izatea leporatuta. Azkona iazko irailaren 1ean atxilotu zuen Frantziako Poliziak Hendaian (Lapurdi), Segiko kidea zelakoan; Espainiako Poliziaren laguntza izan zuen horretarako. Urrian Espainiaratu zuten; ordutik, Soto del Realen (Madril, Espainia) egon da.