Ibai Mateo Esparza (22 urte) da atzo goizean Frantziako Poliziak Mayenne departamenduan, Chateau Gontier herrian atxilotu zuen ustezko beste etakidea. Gaur jakinarazi dute nor den. Bestea, atzo zabaldu zutenez, Oihana Mardaras Orue (Bilbo, 21 urte) da.
Autoan zihoazela istripua izan ostean atzeman zituzten, eta Mateo larri dago, ospitalean.
Atzo arratsaldean, Mardarasen etxea miatu zuen Espainiako Poliziak, Bilboko Santutxu auzoan. Horrez gain, Mardarasen gurasoen bi etxebizitza miatu zituzten, Santutxun. Mardaras hangoa da. Ollerias Altas kalean miatu zuten etxe bat eta Allende kalean bestea. Hainbat kaxa eraman zituzten bi etxeetatik.
Poliziak adierazi zuen autoa lapurtutakoa zela eta armak aurkitu zituztela: pistola eta errebolber bana. Frantziako iparraldean dago Chateau Gontier.
politika
