Politika

Ibarretxek hauteskundeak "aurreikusiriko datan" egingo direla azpimarratu du

Jaurlaritzako lehendakari Juan Jose Ibarretxek argi utzi nahi izan du 2005ean egin behar diren hauteskunde autonomikoak ez dituela aurreratuko, lehendakariaren iritziz "hauteskunde egutegiekin espekulatzea interesa dakiokeenik baldin badago ere", EAEko hauteskundeak "aurreikusiriko datan" eta "modu naturalean" egingo dira. Gainera, Estatutu berrirako proposamena legegintzaldi honetan bozkatuko dela esan du.

2004ko maiatzaren 31

12:32

Entzun 00:00:00 00:00:00

Bilbon antolatu diren Euskadiko Ekonomia Topaketen hasiera aurretik eginiko adierazpen hauetan lehendakariak Estatutu berriaren Proposamena ere izan du hizpide. Hala, Ibarretxeren hitzetan, hauteskunde autonomikoak egiten direnerako "euskal gizarteak jakingo du estatutu berrirako proposamenaren inguruan parlamentuak duen iritzia" .

Agerpen berean EAEko Lehendakariak estatutu berriaren proposamena "Espainia zein Euskadirentzat onuragarria" dela nabarmendu du eta EAEko biztanleriaren "%90ak autogobernu maila handiagoa eskatzen duela" izan ere, Ibarretxeren hitzetan, eskaera hau "ideologiarekin baino, ongizatarekin erlazionatuta dagoelako".

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak