Aralarren ekimenari aho batez baiezkoa emanda, Eusko Legebiltzarrean aurrerantzean ikerketa batzordeak ez dira sekretupekoak izango. Aralarrek duela pare bat aste esan zuen ez zuela parte hartuko Miñao auziko batzordean, "filtrazioak" gertatzen ari zirela arrazoituta.
Mikel Basabe Aralarreko legebiltzarkideak bilerak isilpekoak ez izateko proposamena aurkeztu zuen araudi batzordean, Nafarroako Parlamentuko funtzionamendua aitzat hartuta. Gaur onartu du eskaera Eusko Legebiltzarrak, eta aldaketak hurrengo ikerketa batzordeei ere eragingo die.
"Filtrazioak eten egin direnez, Aralarrek Miñao kasua ikertzen ari den batzordera itzultzea erabaki du", esan du Basabek.
eusko legebiltzarra
Ikerketa batzordeak ez dira sekretupekoak izango
Eusko Legebiltzarrak ontzat jo du Aralarren proposamena.
Iruzkinak
Ez dago iruzkinik
Ordenatu
