Espainiako Kongresuak Estatutu Berrirako Proposamena onartu ezean, euskal gizarteak PPri eta PSOEri bizkarra emango diola adierazi du Imazek. "Euskal gizarteak akordioak lortzea eskatzen digu politikariei. PP eta PSOE elkarrizketa blokeatzeko asmoarekin jarraitzen badute, euskal gizarteak bizkarra emango die. Hiru hilabete barru euskal gizarteak berriz ere izango du hitza hauteskundeetan, eta ez du inolaz ere ulertuko elkarrizketa oztopatzen duten alderdien jarrera".
Bestalde, EAEko Legebiltzarreko presidente Juan Mari Atutxak adierazi duenez, "zaila da Eusko Legebiltzarrak ordezkaritzarik ez bidaltzera Espainiako Kongresura".
EAEko Estatutu Proposamena
Imaz Espainiako Kongresuko osoko bilkurara ordezkaritza bidaltzearen alde agertu da
Eusko Alderdi Jeltzaleko Euskadi Buru Batzarreko presidente Josu Jon Imazek adierazi duenez, "komenigarria izango litzateke datorren asteartean Eusko Legebiltzarreko ordezkaritza bat Espainiako Kongresuan izatea". Ezker Batuak ordezkaritzarik ez bidaltzea proposatu zuen atzo. "Azken erabakia Eusko Legebiltzarreko osoko bilkurak hartu beharko du astelehenean, baina nire ustez Legebiltzarreko ordezkaritza bat Espainiako Kongresuan egon beharko luke".
Iruzkinak
Ez dago iruzkinik
Ordenatu
