Hona hemen, aurrerapen gisa, Iñaki Galdosen esan batzuk:
- "Hainbeste urtean politikan ibili eta gero, hasieran sentitu nuen hutsune bat; ez politikarekiko, baizik eta politika modu horretan bizitzearekiko".
- "Ez nuke esango nora ezean gaudenik, baina bai impasse batean gaudela. Gure etorkizuna definitu gabe dago eta estrategiak definitzeke daude".
- "Gauden lekuan egonda ere, naziogintzan, herrigintzan askoz gauza gehiago egin daiteke".
- "Euskal lobby bat beharko genuke AEBetan, baita munduko beste toki batzuetan ere. Baina ez soilik gatazkaren irtenbiderako. Euskal ekonomiaren, enpresaren edota unibertsitateen alde egundoko lana egin dezake horrelako talde batek".
