Politika

Inbestidura saioko hitzaldien arabera hartuko dutela beren jarrerari buruzko erabakia berretsi du Ezker Abertzalea taldeak

Eusko Jaurlaritzako lehendakaria hautatzeko biharko inbestidura saioan zer jarrera hartuko duten erabaki gabe daukatela berretsi du Nekane Erauskin Ezker Abertzalea taldeko kideak; areago, hautagai biek —Juan Jose Ibarretxe (EAJ) eta Patxi Lopez (PSE)— inbestidura saioan egiten dituzten hitzaldien arabera hartuko dutela erabakia. Gatazka gainditzeko konpromiso zehatzak hartzea eskatzen dute baten edo bestearen alde egiteko.

2005eko ekainaren 21a

11:02

Entzun 00:00:00 00:00:00

Radio Euskadin egin dioten elkarrizketan esan ditu Erauskinek horiek guztiak.

Ezker Abertzalea taldeko legebiltzarkideak agertu duenez, bai Ibarretxerekin eta bai Lopezekin batzartzeko aukera izan duten arren, ez batak, ez besteak, ez die behar adinako azalpenik eman hastear den legegintzaldian dituzten asmoei, eta, batik bat, gatazka gainditzeko emateko prest dauden urratsei buruz. Erauskinek esan du Lopezekin aspaldi izan zutela bilera, oraindik inbestidura saioa urrun zela. Ibarretxek, berriz, ez dizkiela bere egitasmoak zehaztu nabarmendu du.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak