Bart sartu da indarrean Hego Euskal Herrian autobide eta autopistetan gehiengo abiadura muga berria. Espainiako Gobernuak orain dela bi aste adostu zuen "erregai kontsumoa murrizteko", eta ekainaren 30era arte ezingo da 110 km/h.-ra baino azkarrago joan.
Neurriak hainbat erreakzio sortu ditu, batez ere eraginkortasunari dagokionez, baina talde ekologistek txalotu egin dute. Gau osoan hainbat langile aritu dira bide seinaleetan aldaketak egiten, kasu gehienetan, pegatinak jartzen.
