Goizeko zortzietan filosofia azterketari ekin diote. Azterketa, Frantziako Hezkuntza ministerioak finkatu bezala, frantses hutsean egin beharko dute, baita ikasketa prozesu osoa euskaraz egin duten ikasleek ere. Berriz ere, baxoa euskaraz egitea eskatzen zuten ahotsek atea itxirik atzeman dute Parisen.
Usaian bezala, urduritasuna izan da nagusi azterketa hasi aitzin, ikasleek karta bakarrera jokatzen dutelako haien geroa. Hautatutako ikasgaien arabera banatu dituzte ikasleak Ipar Euskal Herriko ikastetxeetan.
