Frantziako Poliziak Irati Tobar gazte independentista atxilotu du gaur eguerdian, Donibane Lohizunen, Espainiako Auzitegi Nazionalaren euroagindu eskaera dela eta.
Tobarrek berak eta Benat Lizeaga, Irati Tobar, Endika Perez, Jazint Ramirez, Aitziber Plazaola, Xalbador Ramirez, Aiala Zaldibar eta Bergoi Madernazek astebeteko itxialdia egin zuten otsailaren erdian Izpuran (Nafarroa Beherea); Espainiaratzeko arriskua zela eta, babesa eskatu zieten eragileei eta herritarrei. Denek babes handia jaso dute, baina Tobar ez beste denak Izpurako itxialdia bukatu eta berehala atzeman zituen Poliziak.
Tobarrek eta Xabi Irigoien eta Iker Elissalde Beskoitze eta Hendaiako hautetsiek gose greba egin zuten Hendaian duela bi aste, euroaginduen aurka.
Gazteek iaz egin zuten ihes Ipar Euskal Herrira, Espainiako poliziek Segi gazte erakundearen aurka egindako operazio baten ondoren.
