Etxerat-ek jakinarazi duenez, Irkus Badillo eta Gorka Vidal euskal presoak aske geratu dira. Hogei urteren ostean, biek ala biek gaur bete dute zigor osoa.
Badillori hirugarren gradua eman zioten 2021eko maiatzean, eta handik sei hilabetetara, 2021eko urrian, baldintzapean aske utzi zuten; Vidali, berriz, 2022ko ekainean ezarri zioten hirugarren gradua, eta iazko otsailean onartu zioten baldintzapean aske geratzea.
