IRRIZ, BEDERATZI HILABETEREN OSTEAN

Enric Goyalons, Ainhoa Fernandez eta Rosella Urru kooperatzaileak aske eta onik dira dagoeneko, etxerako bidean, eta Mundu Bat gobernuz kanpoko erakundeak alaitasunez hartu du berria, irudian ikusten denez. Beren egoitzako balkoian atera zuten argazkia, atzo. Orain dela bederatzi hilabete bahitu zituzten hiru kooperatzaileak. Atzo heldu ziren Madrilera, Aire Armadaren hegazkin batean. Mundu Bat erakundeak eskerrak eman dizkie lagundu dutenei, Fronte Polisarioari bereziki, eta Sahararen autodeterminazioaren alde egiten jarraitzeko asmoa agertu du.