IRUDIA. GASTEIZ. Epaitegien aurrean, AHT-ren aurka

AHT Gelditu! Elkarlanak Gasteizko Justizia Jauregira eraman zuen atzo egitasmoaren kontrako aldarria. 2007ko ekainean Arratzu-Ubarrundiako (Araba) lurren nahitaezko desjabetzeen aurkako protestetan parte hartu zuten bi pertsonen aurkako epaiketa zela-eta, berrogeita hamar bat lagun bildu ziren. Sei hileko kartzela zigorra eta isuna eskatu zieten biei, «poliziei aurre egin eta haienganako errespeturik ez izateagatik». Bi lagunak epaiaren zain gelditu dira.