Iruñeko peñak pankarta beltzekin sanferminetan?

UPNren "etengabeko trabak" salatzeko aurtengo sanferminetan zer protesta mota egin eztabaidatzen ari dira Iruñeko peñak, eta ideien artean indarra hartu du talde guztiak pankarta beltzekin ateratzeak. Urtea, peñaren izena eta lelo orokorra baizik ez lukete.

Lehengo urteko sanferminetan Udaltzaingoak salatu egin zituen Armonia Txantreana eta San Fermin peñak, pankartetan bi euskal presoekiko agurrak zituztela egotzita. Salaketaren ondorioz, Udalak zazpi mila euroko laguntzarik gabe utzi zituen bi peñak. Bi kide, gainera, Espainiako Auzitegi Nazionalera eraman zituzten, "terrorismoaren goratzea" dela-eta.

Yolanda Barcina UPNko presidentea da Iruñeko alkatea.