Larunbaterako jendea Bilbora deitu duten eragile berek eta Gero Baik elkarretaratze bat antolatu dute iganderako Iruñean, 12:30ean, Udaletxeko plazan.
Mobilizazioan, salatuko dute Espainiako Gobernuak bere esku hartu izana Kataluniako autogobernua, konstituzioaren 155. artikulua ezarrita; eta “demokrazia” galdegingo dute Kataluniarentzat eta baita Nafarroarentzat ere. “Gogoratu behar da hamazazpi lege propio errekurritu dituela Madrilek”, adierazi dute deitzaileek.
Eragile horiek, ohar batean, gogor kritikatu dute Kataluniako auzian PP, PSOE eta Ciudadanos alderdiek erakutsi duten “jarrera autoritario eta antidemokratikoa”.
