Guztira, hamalau lagun atxilotu dituzte, eta horietako bederatzi, Iruñean. Iruñeko udaltzaina da atxilotuetako bat, eta aske utzi dute behin-behinean. Udalak txostena zabaltzeko tramiteak abiatu ditu.
Espainiako Barne Ministerioak jakinarazi duenez, 2015 amaieran hasi ziren ikertzen, biktimetako batek Espainiako Poliziari egindako dei baten harira. Ikerketari jarraituz, ondorioztatu zuten talde batek emakumeen salerosketan eta sexu esplotazioan ziharduela. Paraguain lanpostuak eskaintzen zizkieten, eta Europara eramaten zituzten; ondoren, Iruñean, Naoneden (Bretainia) eta La Roche sur Yon-en (Frantzia) prostituzioan aritzera behartzen zituzten.
Behin Iruñean, Naoneden eta La Roche sur Yon-en, bidaiarengatik 3.000 euroko zorra esaten zieten, bezeroei kobratu beharreko diru kopurua zehaztearekin batera. Espainiako Barne Ministerioak zehaztu duenez, atxilotuek erabateko kontrola zuten emakumeekiko.
Iruñean, bost etxe arakatu dituzte, eta lau emakume askatu.
