Israelek azkeneko hemeretzi egunetan itxita izan du Gazako (Palestina) muga, hemendik hara koheteak botatzen zituztelakoan, baina gaur zabaltzea erabaki du, Gazako herritarrek laguntza humanitarioa jaso dezaten.
Ehud Barak Israelgo Gobernuko Defentsa ministroak hartu du erabakia. Atzo Hamas Palestinako erakundeak -Gazan bera da nagusi- jakinarazi zuen ez dutela, oraingoz, suziri gehiagorik botako Israelera, baldin eta honek muga berriro zabaltzen bazuen. Horrek eragina izan du Baraken erabakian.
Oraindik ez dute esan zenbat denboraz egongo den Gazako bidea irekita.
Egunean zehar oinarrizko elikagai eta produktuekin 40 bat kamioi sartzekoak dira Gazara. Milioi eta erdi lagun bizi dira bertan. Arratsaldera artean 30 kamioi sartu dira.
Mundua
Israelek Gazako muga ireki du, laguntza humanitarioa jaso dezaten
Hemeretzi egunez segidan izan du itxita, Israelera koheteak botatzen zituztelakoan.
Iruzkinak
Ez dago iruzkinik
Ordenatu
