BILBO. Arabako, Bizkaiko eta Gipuzkoako itunpeko eskola erlijiosoetako guraso elkarteek manifestazioa egingo dute larunbatean, Bilbon, 18:00etan. Sindikatuen eta patronalen arteko desadostasunak salatuko dituzte. Lan gatazka betean dira ikastetxe horietan, eta datorren asterako greba gehiago antolatu dituzte; aurrerabiderik ez bada, maiatzean ere izango dira grebak. Hogei greba egun baino gehiago daramatzate. Sindikatuek eta Kristau Eskolak bilera izan zuten astelehenean, baina ez zuten akordiorik egin.
Josu Erkoreka Eusko Jaurlaritzako bozeramaileak patronalari eta sindikatuei eskatu die onar dezatela gobernuaren laguntza, modu horretan akordio batera iritsi ahal izateko.
Itunpekoetako gurasoek protesta egingo dute
Iruzkinak
Ez dago iruzkinik
Ordenatu