Izpurako itxialdia egin zuten Segiko zortzi kideak, gogoan

Otsailaren 22an agertu ziren Nafarroa Beherean 2010eko urritik Espainiako Poliziatik ihesi zebiltzan Segiko zortzi kideak. Izpuran astebeteko itxialdia eginen zutela jakinarazi zuten Beñat Lizeaga, Irati Tobar, Endika Perez, Jazint Ramirez, Aitziber Plazaola, Xalbador Ramirez, Aiala Zaldibar eta Bergoi Madernazek. Haien kontrako euroaginduak Espainiak torturaren bidez lorturiko aitormenetan oinarritzen zirela salatu zuten. Frantziako Poliziak itxialdia bukatu bezain laster atxilotu zituen. Poliziak indarra baliatu zuen gazteak atxilotzeko; Endika Perezen kasuan, prentsaurreko batetik itzultzean atxilotu zuten, hura babesten zuten hautetsien autoko berinak hautsiz. Atzo gogoan izan zituzten.