Hark kantatu zituen, esaterako, I feel free, Politician, eta White Room kantu ezagunak. Ingalaterrako taldeak Fresh Cream (1966), Disraeli Gears (1967), Wheels of Fire (1968) eta Goodbye (1969) lanak ondu zituen, Bruce eta Bakerren arteko harreman txarra zela-eta 1970ean banandu baino aurretik —gero, baina beste pare bat aldiz batu ziren kontzertu batzuk emateko, 1973an, eta 2005ean—. Bluesa, hard rocka eta psikodelia lantzen zituzten pop ukituekin, eta haien lanen 15 milioo kopia baino gehiago saldu zituzten. Black Sabbath, ZZ Top, Pink Floyd, Rush, Van Halen, AC/DC, Kiss, Judas Priest, The Police, Led Zeppelin, Queen, Scorpions, Aerosmith eta Deep Purple-ko kideek, besteak beste, adierazi izan dute Creamen iturritik edan izan dutela.
MUSIKA
Jack Bruce Cream hirukoteko baxu jotzaile eta abeslaria zena hil da
Eric Clapton (gitarra eta ahotsa) eta Ginger Bakerrekin (bateria) osatu zuen taldeak lau disko arrakastatsu osatu zituen 1966 eta 1969 artean. Gibeleko gaixotasun batek jota hil da. 71 urte zituen.
Iruzkinak
Ez dago iruzkinik
Ordenatu
