Irrikitan leloarekin, jende ugari elkartu da gaur Argantzunen, hango ikastolari laguntza emateko helburuz. Trebiñun ospatzen den hirugarren Araba Euskaraz jaia da, eta hainbat ordezkari politiko elkartu dira bertan. Cristina Uriarte Jaurlaritzako Hezkuntza sailburua han da, Arabako Foru Aldundiko ordezkariak ere bai, EAJkoak, EH Bildukoak...
Hasi da @arabaeuskaraz Argantzunen diputatu nagusi @ramirogonza eta foru gobernuko kideekin. Trebiñu #irrikitan dago
— DFA-Arabako Aldundia (@Araba_Eus) 2018(e)ko ekainaren 17(a)
📷 https://t.co/wWtTT1TGWNpic.twitter.com/dP462JYh0z
Eta, ohi bezala, umeak izan dira hasiera ekitaldiko protagonista nagusiak.
Hasiera ekitaldi polita umeek ematen dioten freskotasunarekin. Ondo pasa! #ArabaEuskaraz2018#irrikitanpic.twitter.com/D3RGEIVvs3
— Iratxe L. Aberasturi (@iaberasturi1) 2018(e)ko ekainaren 17(a)
Uriartek ekitaldi horretan azpimarratu du handia dela ikastolek euskararen zabalkundean eta erabileran egiten duten lana, eta bereziki azpimarratzekoa iruditzen zaiola Argantzon ikastolakoek egiten dutena, "mugak" eta zatiketa administratiboak ere gainditzen baitituzte. Euskara eskolatik harago, bizitzako arlo guztietan erabiltzeko jauzia egin behar dela nabarmendu du.
Armentia ikastolak jaso du lekukoa gaur, eta haien esku egongo da datorren urteko Araba Euskaraz antolatzeko lana.
Irakurri gaurko jaiarekin lotuta atzo berriak kaleratu zuen gehigarria.
