Heriotza

Jaime del Burgo idazle eta historialari eskuindarra hil da

Frankismo garaian hainbat goi kargu izan zituen Jaime del Burgo idazle eta historialari nafarra hil zen atzo, Iruñeko Klinika Unibertsitarioan, Parkinson gaitzaren ondorioz. Nafarroako Liburutegiko zuzendari zein Espainiako Informazio eta Turismo Ministerioaren ordezkari izan zen, eta, beraz, frankismo garaiko zentsura aplikatzen zuenetako bat. Historiari buruzko ikerlanak ikuspuntu eskuindar eta abertzaletasunaren kontrakotik egin zituen.

2005eko urriaren 24a

16:05

Entzun 00:00:00 00:00:00

1912an jaio zen Del Burgo. Idazlan ugaria utzi du: historiari buruzko ikerlanak —batik bat, karlismoari eta Espainiako Gerrari buruzkoak, beti ere, ikuspegi eskuindar eta abertzaletasunaren aurkakoatik idatziak. Horrez gain, eleberriak eta poema liburuak ere idatzi zituen, azkenekoa 2000.ean.

Egun Espainiako Kongresuan PPko diputatu den Jaime Ignacio del Burgoren aita zen.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak