Eusko Jaurlaritzako eta Espainiako Gobernuko ordezkariek osatutako Elkarlanerako Batzordea Gernikako Estatutuaren eskuduntzen transferentzia gauzatzeko urratsak aztertzeko bildu ziren atzo. Rodolfo Ares Jaurlaritzako Herrizaingo sailburua eta Manuel Chaves Lurralde Politiketarako Espainiako ministroa izan ziren ordezkaritzetako buru, Gasteizen egindako bileran. EAJrekin negoziatu ondoren hitzartutako eskuduntzen gauzatzea uztaila baino lehen egingo dela baieztatu zuten biek, agindutakoa beteta. Hala ere, Estatutua gauzatze horretan Jaurlaritzak «autonomia osoa» duela adierazi zuten, EAJri abisu emanda.
EAJk eta PSOEk eskumenen sorta egikaritzea adostu zutenean, gauzatzea nola egin bien artean erabakiko zutela esan zuen EAJk. Gobernu sozialistetako kideek, ordea, Jaurlaritzaren «autonomia» defendatu zuten, Aresek EAJri transferentziak lortzen lagundu izana eskertu zion arren.
Jaurlaritzak Estatutua gauzatzeko autonomia duela dio Aresek
Iruzkinak
Ez dago iruzkinik
Ordenatu
