Politika

Jaurlaritzak "oinarrizko eskubideak arriskuan" jar ditzaketen legeen aurka helegiteak aurkeztea nahi dute EAJk, EAk, eta EB-IUk

"Oinarrizko eskubideak arriskuan" jar ditzaketen Espainiako Gobernuaren arau legalen aurka Eusko Jaurlaritzak helegiteak aurkeztea nahi dute EAJk, EAK, eta EB-IUk. Hain zuzen ere, Gasteizko Gobernuak inkostituzinonalitate helegiteak aurkez ditzan eskatuz ekimen bat aurkeztu dute Eusko Legebiltzarrean. Zigorrak guztiz betetzea agintzen duen arau legalaren, Espetxe Zaintzarako Epaitegi Zentrala sortzekoaren, epaiketa lasterren ingurukoaren, eta hiri segurtasunari buruzkoaren aurka egin nahi dute.

2003ko urriaren 15a

20:00

Entzun 00:00:00 00:00:00

EAJ, EA eta EB-IUren iduriko, Espainiako Gobernuako onartutako arau legal horiek guztiak "giza eskubideen, nazioarteko testuen, Konstituzioaren eta Europako gomendioen" kontrakoak dira. Halaber, "zigor zuzenbide demokratiko baten oinarriak" urratzen dituztela iritzi diote.

Hiru alderdi horiek aurkeztu duten ekimena aurrera ateraz gero, lege horiek Espainiako Konstituzioarekin bat datozen aztertu beharko luke Jaurlaritzak, eta ezezkoa erabakiz gero, haien aurkako helegiteak aurkeztu beharko lituzke.

Julio Medemi elkartasuna

Ekimen horrez gain, Eusko Legebiltzarrak Julio Medem zine zuzendariari, eta beren iritziengatik "kriminalizatuak" izan diren kultur arloko beste eragile batzuei elkartasuna adieraztea proposatu dute EAJk, EAk, eta EB-IUk.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak