Jaurlaritzako Ekonomia sailburuak dio legealdi honetan egingo dutela EAEko kutxek bat

Carlos Agirre Eusko Jaurlaritzako Ekonomia eta Ogasun sailburuak azaldu du legealdi honetan (2009-2013) lortuko dutela Arabako, Bizkaiko eta Gipuzkoako aurrezki kutxek bat-egitea. "2011a baino lehen ez da izango, baina bai legealdia bukatu aurretik", esan du Agirrek gaur.

"Espainiako beste erkidego batzuetan ari dira kutxak bat egiten", dio, "baina hemen kutxak ondo doanez, ez dago premia handia ere".

Dena dela, Vital Kutxak (Araba), BBK-k (Bizkaia) eta Kutxak (Gipuzkoa) geldirik ezin dute egon, Jaurlaritzako Ekonomia sailburuaren arabera.

Iaz saiatu ziren BBK-ko eta Kutxako zuzendaritzak bi kutxen bat-egitea erdiesten, baina Gipuzkoako aurrezki kutxako batzar nagusia aurka azaldu zen. Vital Kutxako zuzendaritza ez zegoen ados hiruren bat-egitearekin.