Jean Claude Iriart izanen da EEP Euskararen Erakunde Publikokopresidentea heldu den otsailera arte. Baionako Herriko Etxeko hautetsia da 2014ko hauteskundeetatik, eta Euskal Kulturaren Aldeko Herri Arteko Sindikatuko presidentea ere bada.
Frantxoa Maitia izan da 2011tik orain arte EEPko presidentea, baina eskualdeetako hauteskundeetarako sozialisten zerrendatik kanpo gelditu ondoren, hurrengo agintaldian ez da eskualdeko kontseilari izanen, eta, beraz, EEPko presidente kargua ere galduko du.
Mathieu Berge hautagai
Heldu den otsailean izendatuko dituzte eskualdeko kontseiluaren izenean EEPn ordezkaritza izanen dutenak; haien artean hautatu beharra lukete ondorengo presidentea. Jakina da Mathieu Berge interesatua dela; hura da Maitiak utzitako kargua hartzeko hautagai nagusietako bat. 2016ko abenduan bukatuko da EEPk estatuarekin duen hitzarmena. Oraindik ez da argitu epe horretatik aitzina zer bilakaera izanen duen egiturak.
Jean Claude Iriartek hartuko du EEPko presidentetza otsailera arte
Iruzkinak
Ez dago iruzkinik
Ordenatu
