Gaur bete ditu Jon Agirre Agirianok (Aramaio, Araba; 1942) 28 urte preso. 1981eko maiatzaren 11n atxilotu zuen Guardia Zibilak, ETArekin zerikusia zuelakoan, eta, Amnistiaren Aldeko Mugimenduak (AAM) dioenez, "urte hauetan guztietan Espainiako espetxe politikaren ankerkeria ugari bizi izan du". Besteak beste, Carabanchel, Puerto I, Alcala, Valdemoro, Tenerife, Huelva, Malaga edo Logroñoko Espainiako kartzelatan eduki izan dute. Gaur egun Langraizkoan (Araba) daukate preso.
Agirre Agirianok, "urteok espetxean ematearen ondorioz, gaixotasun larria" duela dio AAMk. 2006an bete zuen espetxe zigorra baina, Espainiako Auzitegi Gorenaren erabakiz, denera 30 urte egin beharko ditu kartzelan. Auzitegiek maiz ukatu dute haren askatasun eskaera.
Euskal presoak
