Jon Agirre Agiriano (Aramaio) presoa Basurtu Bilboko ospitaleko larrialdietan ingresatu dute, haren inguruko lagunek arratsaldean BERRIAri jakinarazi diotenez. Artean ez zekiten zer zeukan. Ondoren esan du Amnistiaren Aldeko Mugimenduak (AAM) presoak gastroentiritis izan duela azken egunetan, eta horren ondorioz eraman dutela erietxera. "Basurtun hainbat froga egin dizkiote, eta ondo dagoela ondorioztatu dute medikuek", adierazi du AAMk.
Agirre Agirianok zigor osoa betea duen arren eta oso gaixo dagoen arren, kartzelan daukate. 68 urte dauzka, eta 29 daramatza preso. Haren lagunek ohartarazi izan dutenez, espetxean egindako urteen ondorio dira haren osasun arazoak. Artrosi orokortua du, hernia diskala, protesia eskuineko aldakan, diabete mellitus gaitza, ikusmena eta entzumena galtzen ari da eta bihotzekoak jotzeko arriskua du, besteak beste.
2006an bete zuen zigor osoa, baina 2011ra arte luzatu diote espetxealdia. Basauriko espetxean daukate egun.
1981eko maiatzean atxilotu zuen Guardia Zibilak, ETArekin zerikusia zuelakoan.
euskal presoak
Jon Agirre Agiriano euskal presoa Basurtuko erietxeko larrialdietan sartu dute, baina onik dago
Azkeneko egunetan gastroentiritisak jota ibili da. Osasun arazo handiak ditu 68 urteko presoak. 29 urte daramatza preso.
Iruzkinak
Ez dago iruzkinik
Ordenatu
