Tolosa (Okzitania) ondoko Muret-Seysses kartzelan dauzkate preso Garmendia eta Rodriguez, eta "humanoak" ez diren baldintzetan dauzkatela salatu zuen Molina abokatuak. Izan ere, hamar egunez zigor geletan izan zituzten biak pertsona bakarrarentzako ziegak eskatu zituztelako.
Jon Garmendia abenduaren 7an atxilotu zuen Frantziako Poliziak Donibane Lohizunen (Lapurdi). Ekain Rodriguez, berriz, azaroaren 15ean, Baionan.
Euroagindua
Jon Garmendia eta Ekain Rodriguezen aurkako euroagindua onartu du Paueko Auzitegiak
Jon Garmendia eta Ekain Rodrigez Espainiaratzeko eskaerari baiezko eman dio Paueko Helegite Auzitegiak, eta, beraz, euroagindua aplikatuko zaie biei. Urtarrilaren 3an epaitu zituzten Garmendia eta Rodriguez, eta euroagindua onartzearen alde agertu zen prokuradorea bi kasuetan. ETAri laguntza ematea egotzita eman zituen Espainiako Auzitegi Nazionalak bi euroaginduak. Bi presoen abokatu Yolanda Molinak torturak salatu dituzten atxilotuen lekukotasunean oinarritzen zirela eskaera horiek nabarmendu zuen epaiketan.
Iruzkinak
Ez dago iruzkinik
Ordenatu
