atxiloketa

Jon Koldo Garmendia atxilotu du Frantziako Poliziak

Frantziako Poliziak Jon Koldo Garmendia =iTxuria=i atxilotu du gaur goizean Donibane Lohizunen. Askatasunak jakinarazi duenez, senideekin gosaldu eta autora zihoala kalez jantzitako 5-6 polizia joan zaizkio Garmendiari, paper bat erakutsi eta beraiekin eraman dute. Euroagindu batekin atxilotu dutela eta Baionako komisaldegira eramango zutela esan diete familiakoei. Atxilotua ETArekin lotu du Espainiako Barne ministro Jose Antonio Alonsok, eta martxotik ihesean zegoela besterik ez du esan du. Askatasunak elkarretaratzea egingo du bihar, 19:00etan, Donibane Lohitzuneko tren geltokian.

2005eko abenduaren 7a
17:14
Entzun
Alonsok joan den martxoaren 25ean Donostian atxilotutako hiru lagunekin lotu du Garmendia, eta orduandik ihesean zebilela esan du. Iker Olabarrieta, Karmelo Lauzirika eta Igor Gonzalez Sola atxilotu zituen Espainiako Poliziak martxoan, eta bost egunez inkomunikatuta eduki ostean espetxeratzeko agindua eman zuen Espainiako Auzitegi Nazionaleko epaile Fernando Grande-Marlaskak. Espetxera ere inkomunikatuta eraman zituzten. Atxilotuta eduki zituzten garaian torturatu egin zituztela salatu zuten.

Espainiako Auzitegi Nazionaleko 5.Instrukzio salak Jon Koldo Garmendiaren kontrako nazioarteko atxilotze agindua emana zuela eta horregatik atxilotu dutela zabaldu dute berri agentziek.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.