Jose Mari Aranzamendi eta Arkaitz Bellon espetxean hildako presoen alde Elorrioko Berriozabaleta auzoan (Bizkaia) dauden oroitarriei eraso diete. Lekukoek salatu dutenez, Guardia Zibilaren bost auto joan dira bertara 07:00 aldera, eta kolpeka apurtu dute Aranzamendirena; Bellonena, berriz, «erabat tolestuta» utzi dute.
Aranzamendi 1997an hil zen, Alcala-Meco (Espainia) espetxeko ziega batean. 41 urte zituen. Bellon, berriz, 2014an hil zen, Puerto de Santa Mariako kartzelan. 36 urte zituen.
