Asteartean utzi zion Kontxi Bilbaok (EB) Eusko Legebiltzarreko kide izateari, aurreko legealdian Sozialista Abertzaleak taldea ez desegiteagatik kargugabetu egin zuelako Espainiako Auzitegi Gorenak, eta bihar hartuko du Jose Miguel Fernandezek haren lekua han.
Legebiltzarkide izateaz gain, bertako Mahaiko bigarren idazkaria izango da.
Arabako EBko koordinatzailea da Fernandez eta herrialdeko Batzar Nagusietako kide izana da. Abokatua da.
Bilbaoz gain, Juan Maria Atutxa (EAJ) eta Gorka Knörr (EA) Legebiltzarreko orduko Mahaiko kideak ere zigortu zituen Gorenak. Atutxak urte eta erdiko inhabilitazioa eta hemezortzi mila euroko isuna jaso ditu, eta Knörr eta Bilbaok urtebeteko inhabilitazioa eta hamabina mila euroko zigorra.
Politika
Jose Miguel Fernandezek bihar hartuko du Kontxi Bilbaoren lekua Eusko Legebiltzarrean
Iruzkinak
Ez dago iruzkinik
Ordenatu
