Gipuzkoako Gotzaintzak gaur jakinarazi du zein izango diren bikario nagusi berriak: Joseba Gonzalez Zugasti (Azkoitia, 41 urte) eta Juan Kruz Mendizabal (Ormaiztegi, 46 urte). Biok izango dira, beraz,Jose Ignacio Munilla Donostiako gotzainaren laguntzailerik gertukoenak. Gonzalez izango da bikario orokorra.
Patxi Azpitarte eta Felix Azurmendiren lekuak hartuko dituzte. Biok urtarrilean utzi zuten kargua, euren borondatez, Juan Maria Uriartek gotzaintza uztearekin batera. Gotzaintzak orduan zioen "erabat logikoa" dela aldaketak gertatzea gotzain berriaren izendapenarekin.
Munilla karguan jarri zutenean, polemika handia izan zen Gipuzkoako Elizbarrutian, herrialdeko parrokoen artetik %77 haren aurka azaldu zirelako.
eliza
