Politika

Josu Jon Imaz eta Patxi Lopez gaur batzartuko dira

Josu Jon Imaz EAJko lehendakariak eta Patxi Lopez PSE-EEko idazkari nagusiak bilera egingo dute gaur eguerdian, Bilbon, Sabin Etxean. Jeltzaleek eman dute batzarraren berri, eta 14:15etan dutela hitzordua zehaztu dute. Imazek zein Lopezek beren alderdietako gidaritza karguak hartu zituztenetik egiten duten lehendabiziko bilera da.

2004ko maiatzaren 19a

14:34

Entzun 00:00:00 00:00:00

Imazen ekimenez egingo dute batzarra, nahiz eta Lopezek jendaurrean esana zuen jeltzaleen buruarekin elkartu nahi zuela.

Joan den martxoaren 14an PSOE Espainiako Gobernura heldu zenetik, sozialisten buruek eta EAJkoek izan dituzte zenbait harreman, baina beti hein instituzionalean. Hau da, Juan Jose Ibarretxe Jaurlaritzako lehendakaria Espainiako Administrazio Publikoko ministro Jordi Sevillarekin eta Paulino Luesma Espainiako Gobernuaren EAEko ordezkariarekin batzartu da.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak