2016ko goi bilera

Joxean Muñoz: "Adostasuna bilatu gabe antolatu dute nazioarteko goi bilera"

Kultura sailburuordearen arabera, Juan Karlos Izagirre Donostiako alkatea gaizki ari da goi bileraren inguruko lanak egiten, Kontseiluari ez beste guztiei "bizkar" eman baitie.

Joxean Muñoz, Eusko Jaurlaritzako Kultura sailburuordea, gaurko agerraldian. JUAN HERRERO / EFE
arantxa iraola
2015eko apirilaren 1a
11:42
Entzun

Joxean Muñoz Kultura sailburuordeak salatu du Europako Hizkuntza Aniztasunari buruzko nazioarteko goi bilera antolatzeko "inposizioaren" bidea hautatu dela, "edukietan zein prozedimentuetan". Muñozen esanetan, "erabateko babesa" eman nahi dio Jaurlaritzak DSS2016ri, baina kongresuaren inguruko lanak gaizki ari dira egiten.

Batez ere, Juan Karlos Izagirre Donostiako alkateari mintzatu zaio sailburuordea. "Adostasunik bilatu gabe" aritzea leporatu dio alkateari, eta "Kontseiluarekin eta Kontseiluarekin bakarrik" antolatzea kongresua: "Zergatik Kontseilua bakarrik beste guztioi bizkar emanda?".

Europako hizkuntza aniztasunaren inguruko sareetan Jaurlaritzak eskarmentua duela esan du Muñozek, eta ez dela aintzat hartu: "Elkarlanaren aroa da, eta kasu honetan horren kontra egin da. Larria da. Penagarria".

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.