Juan Jose Rego presoa (Donostia, 1939) Dueñasko kartzelan (Palentzia, Espainia) sartu dute berriro, atzo bihotzekoa izan ondoren. Atzo Valladolideko ospitalera (Espainia) eraman zuten, baina gaur handik irten bezala espetxean sartu dute. Etxeratek Regori emandako tratua salatu du.
Gaixotasun larria dauka aspalditik Regok; 1988tik gaitz zerebrobaskularra, duela hamabost urtetik diabetes gaitza eta hipertentsioa...
Haren senideek eta abokatuak atzo salatu zutenez, ezin izan dute ikusi ospitalean, oztopoak jarri dizkietelako.
2005eko azaroan istripu zerebrobaskularra izan zuen, eta ikusmen eta ezkerreko hankako indar eta mugikortasunaren gabezia eragin zion. Medikuen arabera, Regoren kasua larria da oso, baina Espainiako Espetxe Zuzendaritzak beti uko egin izan dio presoa askatzeari. "Sekulako utzikeria" da hori Etxerat euskal presoen elkartearen iritziz.
1997ko abuztuan atxilotu zuten, ETArekin zerikusia zuelakoan.
euskal presoak
Juan Jose Rego kartzelan sartu dute berriro, atzo bihotzekoa izan ondoren
Iruzkinak
Ez dago iruzkinik
Ordenatu
