Juan Lopez de Uralde Greenpeaceko arduradun ohia gaur epaituko du Kopenhagen elkarte ekologistako beste kide batzuekin batera, eta epaiketa hasi aurretik "harro" agertu da 2009ko abenduaren 17an egin zuten ekintzaz. Danimarkako erreginaren ongi-etorrian sartu eta munduko hainbat liderren aurrean CO2 isurketak salatzeko pankartak zabaldu zituzten.
Espetxe zigorra eskatzen du fiskalak auzipetuentzat. Epaiketaren lehen saioa gaur izango da, eta bigarrena abuztuaren 19n. Euren erantzukizuna aitortzen dutela esan du Lopez de Uraldek goizean, eta lasai doazela epaiketara. "Kopenhageko goi-bileraren porrotaren ondorioz, 2010ean %5 handitu diren gas isurketak munduan, eta izugarriena da egoera horren erantzuleek ez dute ez politikoki ezta juridikoki ere erantzuten", gaineatu du.
