Hona hemen Juan Luis Ibarraren esan batzuk:
- "Etxera itzultzeko planteamendua duten presoen eta Sorturen estatutuen artean desadostasunik ez badago, pausoa emango da. [...] Sortuk bere estatutuetan helburuez eta bitartekoez egindako definizioarekin preso bat modu leial batean ados balego, baldintzapeko askatasunerako baldintzak beteko lituzke; eta gero hori egiaztatu egin behar da".
- "ETAren jarduerarik ezak esan nahi al du erakunde modura jadanik ez dituela aginduak ematen? Ez baditu ematen aginduak eta ez badu jarduerarik, zergatik ez da desegiten? Desegiten bada, presoen bidea leundu egingo luke. Bestela, zaildu".
- "Damua hitza ez da agertzen. Adierazpide moral bat da. Salaketa ere ez da exijentzia, baina ez bada nahi Justiziarekin kolaboratzerik, bidea askoz zailagoa izango da. Espetxe onuretarako baldintza batzuk badaude, eta, horrez gain, bukaeran espetxe bakoitzeko batzordearen balorazio bat egoten da, eta orduan kontuan hartuko da argitzeke dauden krimenak argitzeko kolaboratu den, nola ez".
- "Terrorismo kasuetako presoen eskubideak ere bermatzen dituen sistema al dugu? Nik uste dut nahikoa egiaztatuta dagoela baietz, badugula. Argudio juridikoak erabiltzen dira".
- "Oso garrantzitsua iruditzen zait espetxe eskumena izatea. Jaurlaritzako Bizikidetza Idazkaritza ahalegin bat egiten ari da. Dokumentu landuak eta ondo pentsatuak dira harenak, eta erabilgarriak izango dira".
