Duela denbora bat EAEko Auzitegi Nagusiaren aurrean deklaratu beharrean gertatuko zela nekez pentsatuko zuela aitortu du Juan Mari Atutxa Eusko Legebiltzarreko presidenteak, baina egun egoera dagoen bezala egonda, eta "Madrilgo Gobernuak eta PPk" hartu duten jarrera ikusita, etorkizunean zer gerta daitekeen iragartzea zaila dela esan du.
Dena den, bera eta, halaber, Legebiltzarreko mahaikide diren Gorka Knörr (EA) eta Kontxi Bilbao (EB-IU)EAEko Auzitegi Nagusian deklaratzera eraman dituen aferaren zioa ez dela SA Sozialista Abertzaleak taldea defendatu nahia azpimarratua du Atutxak, "Legebiltzarra defendatzeko" borondatea baizik. "Gu ez gaude SA defendatzen, Legebiltzarraren eskuduntzak eta zilegintasuna defendatzen baizik. Botere banaketak merezi duen errespetua aldarrikatzen. Badakigu minsitro batzuk eta beste politikari batzuk esaten dutela gu SA defendatzen gabiltzala, eta are astakeria handiagoa: ETA defendatzen ari garela. Gezur biribila da hori, guk Legebiltzarra defendatzen baitugu, herriaren borondatea", nabarmendu du Atutxak.
Politika
Juan Mari Atutxa: "Ez gara ari SA defendatzen, Legebiltzarra defendatzen baizik"
Juan Mari Atutxa Eusko Legebiltzarreko lehendakariak esan du auzitegian deklaratzera eraman dituen aferaren sorburua ez dela SA Sozialista Abertzaleak taldea babestu nahia, baizik eta "Eusko Legebiltzarraren eskumenak eta zilegitasuna" defendatzeko borondatea . Espainiako botere judiziala exekutiboaren mende ikusten du Atutxak, eta horregatik, etorkizunean zer gerta daitekeen zehatz esaterik ez dagoela iruditzen zaio. Dena den, Jaurlaritzaren estatutu proposamenaren eztabaidak "nola edo hala" aurrera egingo duela ziurtatu du, eta, halaber, herri galdeketa egingo dela. Euskadi Irratian egin dioten elkarrizketan egin ditu adierazpen horiek guztiak.
Iruzkinak
Ez dago iruzkinik
Ordenatu
